«Робо ЭКСПО» аймақтық фестивалі концерттік бағдарламамен ашылды. Мұндай сайыс Петропавлда алғаш рет ұйымдастырылып отыр. Шараға еліміздің 6 облысынан 50-ден астам жас өнертапқыш қатысуда.
Фестиваль екі бөлімнен тұрады. Алғашқысында жас өнертапқыштар роботты құрастырудан сайысты.
Тимур Ахметжановтың робототехникамен айналысып жүргеніне 1 жыл. Ол өзі жасап шығарған тың техниканы «қадам басушы робот» сайысында сынап көрді . Алғашқы 3 қарсыласын шаң қаптырып, Тимурдың роботы мәре сызығын бірінші болып кесті.
Фестивальдің екінші бөлімінде Қостанайдан келген халықаралық дәрежедегі роботехниканың жаттықтырушысы шеберлік сағатын өткізеді. Ол жоспар бойынша, мамырдың 15-і күні өтпек.
Аманжол НҰРТАЗИН