Шала қын ауданы Сергеевка қаласында жол жөндеу жұмыстары жалғасып жатыр. Биыл бұл мақсатқа республикалық бюджеттен 450 млн теңге, ал облыстық бюджеттен 100 млн теңге қаражат бөлінген. Жалпы, қалада барлық ұзындығы 75 километрді құрайтын 80 көше бар. 3 жыл ішінде оның 29 шақырымына күрделі жөндеу жұмыстары жүргізілген.
Қазіргі таңда Сергеевка қаласындағы Индустриальная көшесінде жөндеу жұмыстары аяқталды. Енді тек жол белгілерін орнату және жолақтарды сызу қалды.
СНХ: ГРАЧИК МАРЕМКОЯН, «МАРЕМКОЯН» ЖК ДИРЕКТОРЫ
Жолды жөндеу жұмыстары сәуірде басталған. Жоба аясында жұмысқа барлығы 10 адам тартылған. Сергеевқа қаласының әкімі Ерұлан Ғабдуллин алдағы уақытта бюджеттен қажетті қаражат бөлінсе, барлық көшеге асфальт төселеді дейді.
СНХ: ЕРҰЛАН ҒАБДУЛЛИН, СЕРГЕЕВКА ҚАЛАСЫНЫҢ ӘКІМІ
Жалпы, Сергеевка қаласында барлығы 80 көше бар. Халқының саны – 7 жарым мыңнан асады.