Мамлют ауданы, Белов орта мектебінің оқушысы Вероника Печенкина голографиялық аудармасы бар «Magic Dictionary» атты қосымша жасап шығарды. Ол солайша ағылшын тілін үйренуді қызықты процеске айналдырмақ. Жасөспірім бұл сөздікті жасауға 3-жылдан астам уақытын жұмсаған.
«Сиқырлы сөздік» 5 сыныпқа арналған ағылшын оқулығының лексикасы негізінде жасалған. Оған визуализация жасауға келетін 30-дан астам сөз енгізілген.
ВЕРОНИКА ПЕЧЕНКИНА, БЕЛОВ ОРТА МЕКТЕБІНІҢ ОҚУШЫСЫ:
- Маған бұл ой 5-сыныпта ағылшын сабағында отырған кезімде келді. Мұғалім бізге 3D голаграмма бейнеленгенсуреттерді көрсетіп жатыр еді. Сол кезде, сөздік пен голаграмманы біріктірсек қалай болады екен деп ойландым.Мен үшін қызық болды. Кейін ұстазым екеуіміз жобаны іске асыруға кірістік.
Қосымшаны қолданған кезде құрылғының экранына «мөлдір пирамида» орнатылады. Солайша, сөздің мағынасын беретін бейнелер төрт жақтан көлемді голограмма түрінде кескінделеді. Кескінмен бірге аудио оқылым жүреді. Ол ағылшынша сөздердің айтылуын дұрыс және тез жаттауға көмектеседі. Сөздікте мемлекеттердің аттары мен тулары да бар.
ВЕРОНИКА ПЕЧЕНКИНА, БЕЛОВ ОРТА МЕКТЕБІНІҢ ОҚУШЫСЫ:
- Қосымшаға ағылшынша сөздерді енгізу аздап қиын. Себебі, визуализацияға келмейтін, әртүрлі мағынаны беретін сөздер бар. Мәселен, махаббат. Оны әр адам әртүрлі елестетуі мүмкін. Жалпы, осы жобам арқылы облыстық «Зерде» байқауында 2-орынға ие болдым. Қосымшам көпшіліктің көңілінен шығып жатыр.
Вероника бұл жобаны әлі де жетілдіріп, сөздердің санын көбейтуді жоспарлап отыр. Айта кетейік, Сиқырлы сөздікті Android қосымшасы арқылы тегін жүктеуге болады.