Қазіргі таңда өз саласының кәсіби маманы болып, адал қызмет еткендерге құрмет зор. Бүгінгі кейіпкеріміз - Электргазбен дәнекерлеу саласына 27 жылын арнаған маман. Ол Петропавлдағы «СҚ ЭЖТК» АҚ-да жұмыс істейді. Бүгінде онда 1000-ға жуық адам жұмыс істейді.
Электр газбен дәнекерлеушіге еңбек нарығында сұраныс жоғары. Владимир Белобровенко 27 жылын осы мамандыққа арнаған. Темірді түйген шебер небір бұйымның қиюын келтіріп береді. Осы уақытқа дейін кәсіп таңдауда өкінген емес.
ВЛАДИМИР БЕЛОБРОВЕНКО, «СҚ ЭЖТК» АҚ ЭЛЕКТР- ГАЗБЕН ДӘНЕКЕРЛЕУШІ:
- Мұндай трансформатордың ішінде май болады. Ол тез жанғыш. Міне, осы трансформаторды дәнекерлеу керек. Ішіндегі майын төгіп босатып барып дәнекерлеу - уақытты қажет ететін процесс. Сол себепті абайлап, тұрған күйі дәнекерлейміз. Жұмыстың қауіпті тұстары көп.
Қиындықтар арқылы адам тек шыңдалады. Осы компания аумағындағы барлық дәнекерлеу жұмыстарын Владимир Белобровенко жасаған. Ол ең жоғары 6 разрядқа ие.
ВЛАДИМИР БЕЛОБРОВЕНКО, «СҚ ЭЖТК» АҚ ЭЛЕКТР- ГАЗБЕН ДӘНЕКЕРЛЕУШІ:
- Бос уақытымды өзіме арнаймын. Көбіне жаңа нәрсе ашып, соны үйренемін. Жұмыстағы әріптестерімде үнемі менен көмек сұрайды. Достарым үйлерін, саяжайларын безендіруге бұйым жасап беруімді сұрайды. Кейде темірден гүл жасайтын кездерім де бар.
Владимир Белобровенко бос уақытын көбінесе үйде, яғни отбасымен өткізгенді жөн көреді. Бос отырмай гаражында сүйікті ісі - дәнекерлеу жұмыстарымен де айналысады.