Күзгі жиын-терім науқаны

 Өңірде егін жинау науқаны жалғасуда. Бүгінгі таңда диқандар 2 миллион 152 мың гектарға жуық дәнді және дәнді-бұршақты дақылдарды жинады, бұл жалпы алаңның шамамен 75 пайызын құрайды. 3,5 миллион тоннаға жуық астық бастырылды, орташа өнімділік гектарына 16,2 центнерден. Майлы дақылдарды жинау да қарқынды жүріп жатыр — 409 мың гектардан астам алқап орылып, 449 мың тоннаға жуық өнім жиналды. Жедел мәліметтер бойынша, шөп дайындау жоспары 110%-ға, ал пішендеме дайындау 120%-ға асыра орындалды. Бұл ретте сүрлем дайындау 84%-ды, сабан — 78%-ды, ал жемдік астық — 64%-ды құрады.