Балалар қауіпсіздігі ерекше бақылауда

Жаңа оқу жылы қарсаңында полиция балалардың қауіпсіздігіне ерекше көңіл бөліп отыр. Биыл Солтүстік Қазақстан облысында 74 мыңнан астам оқушы мектепке барады. Оның 5 мың 945-і алғаш рет мектеп табалдығын аттайды. Оқу жылы бойы тәртіп сақшылары күшейтілген режимде қызмет атқарып, мектептерде профилактикалық жұмыстар жүргізеді.

Әсіресе оқу жылының алғашқы күндерінде балалардың қауіпсіздігіне басымдық беріледі. 1 қыркүйекте полиция қызметкерлері мектептерде оқушылармен кездесіп, қауіпсіздік ережелерін түсіндіреді. Оның мақсаты - балалар арасындағы құқық бұзушылықтың алдын алып, жолдағы қауіпсіздікті қамтамасыз ету.

ӘЛІБЕК ҒАБДУЛЛИН, СҚО ПД ҚОҒАМДЫҚ ҚАУІПСІЗДІК БАСҚАРМАСЫНЫҢ БАСТЫҒЫ 

Балалардың қауіпсіздігіне ата-аналар да жауапты. Заң бойынша кәмелетке толмағандардың түнгі уақытта, яғни сағат түнгі 11-ден таңғы 06:00-ге дейін ата-анасы немесе заңды өкілінсіз көшеде жүруіне болмайды. Бұл талапты бұзған жағдайда әкімшілік жауапкершілік қарастырылған. 

Оның ішінде 2 мың 378 факт — түнгі уақытта ересектердің қарауынсыз жүрген балаларға қатысты. Сонымен қатар жасөспірімдердің алкоголь ішкен 200 жағдайы, ұсақ бұзақылықтың 153 дерегі анықталды.