Петропавлда балық шаруашылығы қызметкерлері күніне орай дәстүрлі балық аулау жарысы өтті. Өңірдің әр түкпірінен келген ондаған әуесқой балықшы өзара бақ сынады.
Балық шаруашылығы қызметкерлері күніне орай Пестрое көлі жағасында дәстүрлі балық аулау жарысы өтті. Мерекелік іс-шараға тек сала мамандары ғана емес, балық аулауды өмір салтына айналдырған әуесқойлар да жиналды. Таңсәріден балықшылар қармақтарын, жемдерін дайындап, көтеріңкі көңіл-күймен көл жиегінен орын алды.
СНХ: МАРАТ ЕСІМСЕЙІТОВ, ЕСІЛ ОБЛЫСАРАЛЫҚ БАССЕЙНДІК БАЛЫҚ ШАРУАШЫЛЫҒЫ ИНСПЕКЦИЯСЫ БАСШЫСЫНЫҢ ОРЫНБАСАРЫ
Жарыстың жеңімпазы Михаил Орлов атанды. Оның аулаған балығы 4 келіні құрады. Бұл сайыстың ең үздік нәтижесі. Айта кетейік, Михаил балық аулаумен 30 жылдан бері айналысады және бұл оның алғашқы жеңісі емес.
СНХ: МИХАИЛ ОРЛОВ, ЖАРЫСҚА ҚАТЫСУШЫ
Жарыс жеңімпаздарына дипломдар мен сертификаттар табысталды. Үздік нәтиже көрсеткен балықшылар арнайы сыйлықтарға ие болды.