Солтүстік Қазақстан облысының Полиция департаменті «Заң және тәртіп» қағидасын жүзеге асыру бағытында жүйелі жұмысын жалғастыруда. Оқушылардың жазғы демалысы мен 1 маусым – Балаларды қорғау күні қарсаңында Жергілікті полиция қызметі басқармасының, қалалық полиция мен өрт сөндіру қызметінің қызметкерлері кәмелетке толмағандармен байланысты құқықбұзушылықтардың алдын алуға бағытталған жұмыстарды күшейтті.
Петропавл қаласындағы Жамбыл көшесі, 258-үйдің ауласында жергілікті тұрғындармен профилактикалық кездесу өтті. Полицейлер жадынама таратып, түсіндіру жұмыстарын жүргізді. Негізгі көтерілген мәселелер – балалар қауіпсіздігі, өрт қауіпсіздігі ережелерін сақтау, құқықбұзушылықтардың алдын алу. Атап айтқанда, тәртіп сақшылары балалардың терезеден құлап кету қаупіне, өрттің алдын алу шараларын сақтау қажеттігіне, түнгі уақытта кәмелетке толмағандардың ересектердің қарауынсыз көшеде болуына жол бермеу керек екеніне назар аударды. Сонымен қатар, аула ішінде тыныштық пен тәртіпті сақтау маңызды екені ескертілді. Полицейлер тұрғындарға «Қауіпсіз бағыт» қағидатын ұстануды — яғни баланың мектепке және кері бағыттағы жолын бақылауда ұстауды, сондай-ақ «Қауіпсіз аула» қағидасын — аулалар мен балалар алаңдарында тәртіп пен қауіпсіздікті қамтамасыз етуді ұсынды.
СНХР: Сағидолла Итекбаев — СҚО ПД Жергілікті полиция қызметі басқармасының ерекше тапсырмалар жөніндегі аға инспекторы
Кездесу барысында қала тұрғындары өздерін мазалаған мәселелер бойынша пікірлерін айтып, полиция бөлімшелерінің байланыс деректерін нақтылап, өткізілген түсіндіру жұмыстары үшін алғыстарын білдірді. Мұндай іс-шаралар облыстың барлық аудандарында ұйымдастырылуда.