Су тасқыны туралы жағдайды интерактивті карта арқылы қарауға болады

Қазақстанда енді су нысандарындағы жағдайды гидрологиялық мониторингтің интерактивті картасы арқылы қарауға болады. Ол - еліміздегі өзен-көлдердің қазіргі жағдай туралы ақпарат береді.

Интерактивті картаға 329 өзен мен 38 көлді қамтитын 377 бақылау бекетінен - «Қазгидромет» РМК гидрологиялық желісінен ақпарат келіп түседі. Картадағы кез-келген бекетті басқан кезде арнайы кесте шығады. Онда бекеттің атауы, судың қауіпті және нақты сантиметрмен көрсетілген деңгейі, су температурасы мен шығыны, сондай-ақ, ағымының көлемі көрстеледі. Бұл мәліметтер күн сайын сағат 12:00-де жаңартылып отырады.

ҚЫМБАТ МЕРҒАЛЫМОВА, «ҚАЗГИДРОМЕТ» РМК СҚОФ ДИРЕКТОРЫ:

- Мысалы, біз Сергеев су қоймасының деңгейін көргіміз келсе, сол бөлімге кіреміз. Онда бүгінгі күннің нақты барлық көрсеткіші көрсетіледі. Сондай-ақ, «гидрологиялық болжамдар» деген бөлім де бар. Ол жерде алдағы уақытқа арналған мәліметтер шығады. Және мұз құбылыстарын да көруге болады.