Петропавл және Булаев епархиясы архиерей хорының репертуарында орыс композиторларының шығармалары бар, олар орыс барокко дәуірінен бастап, заманауи композиторлардың туындыларын қамтиды.
Репертуарда Моцарт, Вивальди, Шуберттің классикалық шығармалары бар. Хорда ерлер мен әйелдер ән айтады. Ұжымда 23 адам бар, ең жасы 18-де. Сондай-ақ, ән айтуға саналы ғұмырын арнағандар да бар. Ақан сері атындағы облыстық филармонияның солисі Николай Колокольчиков 30 жылдан бері шіркеу хорында ән салып келеді.
НИКОЛАЙ КОЛОКОЛЬЧИКОВ, ХОР СОЛИСІ:
– Филармонияда біз көрермендер үшін ән айтамыз. Ал мұнда жанның тыныштығы үшін құлшылық етіп дұғаларды орындаймыз. 30 жыл бұрын осы хорға келгеніме бір рет те өкінген емеспін.