Петропавлда волейболдан жасөспірімдер арасында күзгі республикалық чемпионат басталды. Додаға барлығы 5 команда мен 70-тен астам спортшы қатысып жатыр.
Республикалық біріншілікке Алматы, Қызылорда, Өскемен және Петропавлдан екі команда қатысып жатыр.
МАРАТ ШАҚШАҚБАЕВ , «ЖЕҢІС» ОРМБЖСМ АҒА ЖАТТЫҚТЫРУШЫСЫ:
- Әдетте 12 команда қатысатын. Ал қазір олар жоғары лига мен резервтегі клубтардың чемпионатына дайындалып жатыр. Қазір осы жаста ойнап жүрген көптеген балалар 2006-2007 жылдары дүниеге келген, олар жоғары лигалар мен қосымша топтарда ойнайды. Сондықтан келе алмады.Ал, біз 2008 жылғы және одан кіші балалардың 5-ші командасын шығардық. Бұл олар үшін болашақ жастар ойындарына дайындық.
Бүгінгі бірінші ойында Петропавл командасы қызылордалық топпен ойнады. Ойын басталысымен-ақ алаң иелері басымдық көрсетті. Десек те қызылордалықтар есесін жібермеді. Жергілікті волейболшыларды қолдауға келген көрермен қарасы қалың.
Үш кезеңнің қорытындысы бойынша сыр елінен келген ойыншылар петропавлдықтарды ойсырата жеңді. Кездесу 3:0 есебімен аяқталды. 28 қазанда басталған жарыс 6 күнге созылады.