М. Қозыбаев атындағы СҚ университетінің 3-корпусы апаттық деп танылды. Мұндағы білім алушылар мен оқытушылар басқа оқу корпустарына көшірілді. Жалпы университеттің іргетасы 1954 жылы қаланып, 1958 жылы пайдалануға берілген. Содан бері бұл ғимаратқа күрделі жөндеу жүргізілмеген.
Қазіргі таңда университет басшылығы арнайы сараптама құжатын өткізуге тапсырма берді. Жөндеу жұмыстарына қажетті қаражат әлі нақты белгісіз. Сондықтан жағдайды дұрыс бағалау үшін тағы да сараптама жүргізу қажет. 3корпуста тіл және әдебиет институтының филология, аударма ісі, қазақ, орыс, шет тілдері оқытылады. Мұнда жалпы 700-ге жуық студент оқиды.
ЕРЛАН ТОҚШЫЛЫҚ, KOZYBAYEV UNIVERSITY БАСҚАРМА ТӨРАҒАСЫ-РЕКТОРДЫҢ КЕҢЕСШІСІ:
- Манаш Қозыбаев атындағы Солтүстік Қазақстан университеті биылғы оқу жылын бастады. Студенттердің барлығы бүгінгі таңда оқуда. Тек қана осы бізді байырғы корпусымыздың біреуі 3-корпус. Тіл және әдебиет институты деп аталады. Өздеріңіз жақсы білесіздер 20 жылдан бері корпусқа арнайы экспертиза жұмыстары жүргізіліп жатыр. Арнайы сараптамадан өтеді. Өйткені бұл ескі ғимарат болғандықтан бұл жерге күрделі жөндеу жұмысы қажет. Қазір барлық сараптамалық құжаттардан өткеннен кейін бұл ғимаратқа күрделі жөндеу жұмыстары жүргізіледі. Ал енді осы жерде оқып жатқан барлық студенттер мен оқытушылар басқа корпустарға көшірілді. Барлығында сабақтар өз уақытында жүргізіліп жатыр.