Сергеевкада жолдар жөнделіп жатыр

Шал ақын ауданының орталығында жолдарды қайта қалпына келтіру жұмыстары басталды. Осы мақсатқа 504 млн теңге бөлінді. Жауапты мамандардың айтуынша жыл соңына дейін барлығы 7 км жолды асфальттау жоспарланған.

Сергеевкада автомобиль жолдарын қалпына келтіру жұмыстары басталды. Өткен жылы ұзындығы 1500 (мың бес жүз) метр болатын екі көшеге асфальт төселген. Енді, биыл 7 км-ден асатын тас жолды асфальттау жоспарланған.

ЕРҰЛАН ҒАБДУЛЛИН, СЕРГЕЕВКА ҚАЛАСЫНЫҢ ӘКІМІ:

- Биыл бізге республикалық бюджеттен 504 млн теңге бөлінді. Қазіргі уақытта біз Молодежная көшесінде тұрмыз. Оның ұзындығы екі мың метр. Бұл қиыршық тас жол. Бұл көшеге қиыршық тастар және қалыңдығы 6 см болатын ұсақ түйіршікті асфальт төселген.

"Ритм" ЖШС мердігерлік ұйымы іске мамыр айының ортасынан бастап кіріскен. Қазір олар Молодежная көшесінде ұзындығы 2 км болатын жолды жөндеп болды.

ГРАЧИК МАРЕМКОЯН, «МАРЕМКОЯН» ЖК ДИРЕКТОРЫ:

- Бұл көшеге қиыршық тас, содан кейін асфальт төселеді. Қалыңдығы 6 см болуы керек. Техникалық тұрғыдан қадағалайтын мамандар бәрін тексерді. . Асфальт төселді, құбырлар қойылды. Жол белгілері де орнатылды.

Жол сапасын бақылауды техникалық бақылау мамандары тексерген. Барлық жұмыстар стандартқа сәйкес орындалған.

ҒАЛЫМБЕК МАХМЕТОВ, «АРЕТМИДА СНАБ» ЖШС ТЕХНИКАЛЫҚ БАҚЫЛАУ САРАПШЫСЫ:

- Жоба бойынша мұнда 6 см қалыңдықпен асфальт төселген. Алайда, кейбір жерлерде 6 жарым 7 сантиметрге дейін қалыңдады. Яғни, мердігер компания жобаға сәйкес жұмыс істеп жатыр. Сондай-ақ, жол төсемінің ені де сәйкес келеді. Жоба бойынша Молодежная көшесінің ені 5 метр болуы тиіс. Ал, жұмыс барысында 5 метрден асып та кетіп жатты.

Айта кетейік, Сергеевка қаласы бойынша Ибраев, Котов, Күлеке батыр және Аютас тұйық көшелеріне де жол төселеді деген жоспар бар.

ЕРЛАН ЖҰМАХАН