Облыс әкімі Ғауез Нұрмұхамбетов жұмыс сапарымен Тайынша ауданына барды. Драгомировка ауылында салынып жатқан мектептің құрылысымен танысты. 120 орынға шақталған нысан қыркүйек айында қолданысқа берілмек. Сондай-ақ, өңір басшысы Келлеровка ауылында болды.
Драгомировка ауылында салынып жатқан мектептің құрылысы мамыр айында басталған. Жоба құны - 1,2 млрд теңге. Жауапты мердігер - «Зерттеу СК» серіктестігі.
НИКОЛАЙ ВАРДА, УЧАСКЕ БАСТЫҒЫ:
- Қазіргі таңда мектептің 2-ші қабатында жұмыстар аяқталуға жақын. Сонымен қатар, өрт қауіпсіздігі резервуары дайындалуда. Бір екі күнде мектептің жылу қазандығын жасайтын адамдар келеді Жалпы, жұмысқа 45 адам жұмылдырылған.
Оқушылар 3 және 4 тоқсанда балабақшада оқыған. Себебі, ауылдағы 1968 жылы салынған ескі мектеп апаттық деп танылған. Ал, салынып жатқан жаңа білім ордасы 120 орынға шақталған. 2 қабаттан тұратын нысан қыркүйек айында қолданысқа беріледі.
- Мы успеем?-будем стараться! Молодцы, если в мае зашли так быстро вы подняли. Жарайсыңдар!
Сондай-ақ, облыс әкімі Келлеровка ауылында салынып жатқан дене шынықтыру - сауықтыру кешеніне барды. Жобаны жүзеге асыруға 335 млн теңге жұмсалған. Жауапты мамандардың сөзінше, 2 қабатты нысанның құрылысы шілде айында аяқталмақ. Өңір басшысы жұмысқа адамдарды көптеп тартып, істі жылдамдатуды тапсырды.