Облыста 2,3 келіден астам «синтетика» тәркіленді

Жыл басында «Hyundai Accent» көлігін тізгіндеген 25 жастағы Петропавл тұрғыны қолға түсті. Тінту кезінде полицейлер машинадан сатуға дайындалған, халық арасында «тұз» атымен белгілі 9 және мефедроны бар 20 ораманы тәркіледі. Ұсталғандар көрсеткен жерлерден тағы 21 байлам табылды.

Күзде сот үкімі шығып, қала тұрғыны ҚР Қылмыстық кодексінің 297-бабының 3-бөлігіне сәйкес 10 жылға бас бостандығынан айырылды. Еске сала кетейік, жыл басынан бері облыста 92 есірткі өткізу фактісі тіркелді. Заңсыз айналымнан 2,3 кг астам «синтетика» тәркіленді.