Облыс әкімі «Севказэнерго» АҚ құрылтайшысымен кездесті

Бүгін облыс әкімі Айдарбек Сапаров «Севказэнерго» АҚ құрылтайшысы Сергей Канмен кездесті. Бұл туралы өңір басшысы өзінің әлеуметтік желідегі парақшасында хабарлады.

 Жазбада: «Бүгін өңірге менің шақыруыммен «ЦАЭК» АҚ директорлар кеңесінің мүшесі, «Севказэнерго» АҚ құрылтайшысы Сергей Кан келді. Кездесу барысында ЖЭО-2 және жылу желілерін жаңғырту бағдарламасы талқыланды.Алғашында құрылтайшылар станса қондырғыларын салу және жөндеуге 6 млрд теңге бөлуді жоспарлаған еді. Жиында Сергей Кан бұл соманың 9 млрд теңгеге дейін өскенін айтты. Қаржыға қазандықтар жөнделіп, жаңа мұржа салынады. Тағы 3 миллиард теңге жылу және электр желілерін жаңартуға бағытталады. Жалпы, биыл құрылтайшылар компанияның өз қаражатынан 12 млрд теңге бөледі. Біз үшін басты міндет - кезекті жылыту маусымын үздіксіз өткізу.» - делінген.