Облыс әкімі Айдарбек Сапаров өзінің әлеуметтік желідегі парақшасында жағымды жаңалықпен бөлісті. Өңір басшысының айтуынша, жаңа оқу жылынан бастап бастауыш сынып оқушылары тегін тамақпен қамтамасыз етіледі.


 «Оқушылар мен олардың ата-аналарына жақсы жаңалықпен бөліскім келеді. Жаңа оқу жылынан бастап 1-4 сынып оқушылары тегін ыстық тамақпен қамтамасыз етіледі. Осылайша, Петропавл қаласы мен облыстың барлық аудандарының бастауыш сынып оқушылары қамтылады. Осының арқасында ата-аналар отбасы бюджетін үнемдей алады. Қазір облыста аз қамтылған және көп балалы отбасылардың балалары тегін ыстық тамақпен қамтылғанын атап өткім келеді.»-делінген жазбада.