Өңірдің тұрғын үй қоры өткен жылмен салыстырғанда 172,1 мың шаршы метрге ұлғайды. Бұл туралы Ұлттық статистика бюросының облыс бойынша департаменті хабарлады. Тұрғын үй қоры статистикалық тіркелімінің деректері бойынша, 2023 жылғы 1 қаңтарға тұрғын үй қоры 12 537,6 мың шаршы метрді құрады.
Оның 45,3% - қалалық тұрғын үй қоры. Мемлекеттік тұрғын үй қорына – 2,2%, жеке меншік тұрғын үй қорына – 97,8% келеді. Сыртқы қабырғалардың материалы бойынша тұрғын үйлердің ішінде кірпіш, тас – 28,7%, ірі панелді – 14, саман – 4,6, монолитті бетон (темірбетон) – 1,3, каркас панелді – 0,3, ірі шығырды – 0,3, басқа қабырға материалдары – 50,8% алады. Облыс бойынша халықтың тұрғын үймен қамтамасыз етілуіне келер болсақ, бір адамға жалпы 22,4 шаршы метрден келеді.