Сайлау күні қоғамдық көлікте жүру тегін болады
Петропавлда 20 қараша, яғни кезектен тыс Президент сайлауы өтетін күні қоғамдық көлікте жүру тегін болады. Бұл туралы Петропавл қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі хабаралды.
Барлық қоғамдық көлік әдеттегі кестеге сай жүреді. Бұдан басқа мүгедектігі бар адамдар үшін инва және әлеуметтік таксилер қызмет көрсетпек. Осы мақсатқа 2 инватакси мен 6 әлеуметтік такси қарастырылған. Облыс орталығында 94 сайлау учаскесі бар. Жалпы өңірде 386 мыңға жуық адам дауыс бере алады. 20 қараша күні облыста 655 сайлау учаскесі жұмыс істемек.