«Қыстың қамын жаз ойла» демекші, өңір тұрғындарының басым бөлігі көмір, отынды тиімді бағамен сатып алып, жылыту маусымына дайын. Бұл қатарда Уәлиханов ауданының тұрғындары да бар.
Бүгінгі күні мұнда көмір түсіретін 4 тұйық бар. Мәселен, аудан орталығы Кішкенекөл ауылының жанында орналасқан «Қызыл-ту Көмір» тұйығында «Майкөбенің» 300 тоннасы, «Шұбаркөлдің» 100 тоннасы және «Богатырьскийдің» 600 тоннасы жатыр. Көмірдің тоннасы сапасына қарай 11-14 мың теңге аралығында.
МАРАТ РАМАЗАНОВ, «ҚЫЗЫЛ-ТУ КӨМІР» ТҰЙЫҒЫНЫҢ УЧАСКЕ БАСШЫСЫ:
- Жақында «Шұбаркөлдің» 10 вагоны, «Богатырскийдің» 15 вагоны және «Қаражараның» көмірі тиелген 10 вагоны, «Майкөбенің» 5 вагоны келуі тиіс.Жалпы, ауданда жағдай тұрақты. Халық қажет мөлшерде қатты отынды сатып алып жатыр. Ұзын-сонар кезек жоқ. Бізге Уәлиханов ауданынан ғана емес Ақжар, Тайынша аудандарынан келетіндер де баршылық.
Майгүл Сейілбек