Былтыр құрылыс жұмыстарының жалпы мөлшері 292,3 млрд теңгені құрады. Бұл 2024 жылмен салыстырғанда 28,3 пайызға өскен. Осы орайда облыс бойынша құрылыс жұмыстарының жалпы ауқымынан жеке құрылыс компаниялары – 91,9%-ын, шетелдіктер – 6,8%-ын және мемлекеттік мекемелер – 1,3%-ын атқарды.
2025 жылы ең көп жұмыс жолдарды жөндеу мен салуға, үйлер мен мекемелерді тұрғызуға, сондай-ақ су мен кәріз құбырларын тартуға бағытталды. Барлығы 1030 жаңа ғимарат бой көтерді. Оның 951-і тұрғын үй болса, қалған 79-ы - басқа мақсаттағы нысандар.