Солтүстік Қазақстан облысында Есірткі қылмысына қарсы іс-қимыл басқармасының 2026 жылдың бірінші жартыжылдығында атқарған жұмысы қорытындыланды. Тәртіп сақшылары тыйым салынған заттарды өткізудің ондаған фактісін анықтап, есірткі зертханалары мен оларды жеткізу арналарының жолын кесті. Сондай-ақ, ғаламтор кеңістігінде есірткінің таралуына қарсы күрес күшейтілді. Жедел-іздестіру іс-шараларымен қатар, жастар арасында профилактикалық жұмыстарға баса назар аударылуда.
Алты айдың ішінде өңірде 138 есірткі қылмысы тіркеліп, заңсыз айналымнан 12 жарым келіден астам есірткі заты тәркіленді. Сонымен қатар, тыйым салынған контенті бар жүздеген интернет-ресурс бұғатталды. Полиция өкілдері есірткі қылмысымен күрес басты басымдықтардың бірі болып қала беретінін атап өтті. Ал бұл кеселге тиімді қарсы тұру тек профилактикалық жұмыс, заманауи технологиялар және қоғамның белсенді азаматтық ұстанымы біріккенде ғана мүмкін болмақ.