Қоғамдық денсаулық сақтау саласындағы төтенше жағдайларға дайындық және әрекет ету бойынша симуляциялық тренинг өтті. Іс-шара ҚР ДСМ Ұлттық қоғамдық денсаулық сақтау орталығы, Колумбия университетінің Қоғамдық денсаулық сақтау мектебіндегі ICAP ұйымы, Дүниежүзілік Денсаулық Сақтау Ұйымының Қазақстандағы елдік офисінің қолдауымен ұйымдастырылды.
Тренинг 3 күн аралығында өтеді, бүгін бірінші күн. Іс-шараның мақсаты – табиғи және техногендік қауіп-қатерлерге жедел әрекет ету және үйлестіру бойынша мамандардың даярлығын арттыру, сонымен қатар дағдарыс жағдайларында ведомствоаралық өзара іс-қимылды дамыту. Практикалық бөлім барысында қатысушылар су тасқыны, жұқпалы аурулардың өршуі немесе техногендік апат сияқты әртүрлі төтенше жағдайларға әрекет ету бойынша симуляциялық жаттығулар орындайды. Жиынға ҚР Денсаулық сақтау министрлігі; ҚР Төтенше жағдайлар министрлігі; ҚР ДСМ Санитариялық-эпидемиологиялық бақылау комитеті; СҚО Денсаулық сақтау басқармасы; Көліктегі санитариялық-эпидемиологиялық бақылау департаменті; СҚО санитариялық-эпидемиологиялық бақылау департаменті; СҚО ТЖ департаменті; ҚР ауыл шаруашылығы министрлігінің Ветеринариялық бақылау және қадағалау комитетінің СҚО аумақтық инспекциясының өкілдері қатысты.
СНХР: САУРАН ЕРДЕСОВ — ҰҚДСО ҚОҒАМДЫҚ ДЕНСАУЛЫҚ САҚТАУ САЛАСЫНДАҒЫ ТЖ ЖӨНІНДЕГІ ЖЕДЕЛ ОРТАЛЫҚТЫҢ ДИРЕКТОРЫ