Қазгидромет республикалық мемлекеттік кәсіпорнының облыстық филиалы қараша айына арналған ауа райы болжамын жариялады. Синоптиктердің мәліметінше, күздің соңғы айында орташа айлық температурасы -4-8 градус аралығында болады деп күтіледі.
Бірінші онкүндіктің бірінші жартысында ауа температурасы күндіз -5-10 градус аязды көрсетсе, түнде -10-15 градус болады. Онкүндіктің соңында ауа температурасы күндіз -2-7, түнде -15-20 градусқа дейін төмендейді. Екінші онкүндікте ауа температурасы күндіз -6-11 градус, түнде -9-14 градус болады. Жауын-шашынның айлық мөлшері нормадан жоғары болады деп болжанады. Ай бойы, көктайғақ, жауын-шашын, жел соғады деп күтіледі. Кей күндері сырғыма жүруі ықтимал.
СНХ: ГҮЛЗАТ ҒАЗИЗОВА, «ҚАЗГИДРОМЕТ» РМК СҚО ФИЛИАЛЫНЫҢ БӨЛІМ БАСШЫСЫ