Облыс әкімі Ғауез Нұрмұхамбетов жұмыс сапарымен Ғабит Мүсірепов атындағы ауданға барды. Сапар барысында өңір басшысы инфрақұрылымдық жобалардың жүзеге асырылуын, атап айтқанда, аудан жолдарын жөндеу жұмыстарымен танысты. Мердігер ұйымдардың есептерін тыңдап, атқарылып жатқан жұмыстардың сапасы мен аяқталу мерзіміне назар аударды.
Биыл облыс автожолдарын жөндеуге қатысты 12 жоба жүзеге асырылып жатыр. Оның үшеуі – облыстық маңызы бар жолдар. Барлық жұмыстарға 4,2 млрд теңге бөлінген. Жобалар аясында 80 шақырым жол төсемі жаңартылады. Аудандағы жалпы жол ұзындығы – 446 шақырым. Биыл 37,7 шақырымы жөнделмек.
СНХ:РУСЛАН АҢБАЕВ, Ғ. МҮСІРЕПОВ АТЫНДАҒЫ АУДАННЫҢ ӘКІМІ
Ауданның негізгі жобаларының бірі – Чистополье ауылынан Шөптікөл елді мекеніне дейінгі автожолды жөндеу. Оның ұзындығы – 27 шақырым, 3,5 млрд теңге жұмсалмақ.
СНХ:ЕРДЕН ШОРТЫБАЕВ, ОБЛЫСТЫҚ ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРЫ БАСҚАРМАСЫНЫҢ БАСШЫСЫ
Келесі нысан – «Ишим Гарант» ЖШС қызметкерлеріне арналып салынған Новоишимское ауылындағы тұрғын үйлер болды. Мұнда жалпы 11 үй тұрғызылды, әрқайсысының құны – 14 млн теңге. Барлық жұмыс компания есебінен жүргізілді. Мерғалимовтар отбасы бұл жерде төрт жылдан бері тұрады. Ерлі-зайыптылардың екеуі де кәсіпорында еңбек етеді: Қанат – жүргізуші, Гүлнара – бас бухгалтер. Олардың айтуынша, баспаналары жұмыс орнына жақын, жайлы. Олар ауылда тұрақтап қалмақ. Тұрғын үйлерден бөлек аумақта футбол алаңы мен балалар ойын алаңы салынған.
«Новоишимский мелькомбинат» – Новоишимское ауылындағы құрамажем зауыты. Зауыттың жылдық қуаттылығы – 750 мың тонна. Оның құрамында 9 мың тоннаға арналған элеватор, заманауи тазарту және қаптау цехтары, автоматтандырылған қойма бар. Бұл құны 4 млрд теңгеден асатын стратегиялық жоба. Нысанда ұн өндірісі басталды, өнімді Қытайға экспорттау жоспарланған.
Өңір басшысы білім беру нысандарында да болды. Әсіресе, 120 орынға арналған «Дюймовочка» балабақшасына ерекше назар аударылды. Биыл мұнда 275,5 млн теңгеге күрделі жөндеу жүргізілді. Нәтижесінде балалар мен қызметкерлер үшін жайлы жағдай жасалған. Келесі нысан – «Жаңа Есіл» теміржол станциясы. Вокзал алдындағы алаңды қайта жаңғыртуға 193 млн теңге бөлінген.