Петропавлда энергетиктер арасында спартакиада өтіп жатыр

Петропавл қаласында «Орталық Азия электр энергетикалық корпорациясы» АҚ мен оның серіктестері арасындағы үшінші корпоративтік спартакиада басталды. Дәстүрлі жарысқа еліміздің түкпір-түкпірінен келген 200 қатысушы жиналды. 8 команда бірнеше спорт түрі бойынша сынға түсуде. Толығырақ келесі бейнематериалда.

Жыл сайын дәстүрлі түрде ұйымдастырылатын спартакиада биыл алғаш рет біздің өңірде – Петропавл қаласында өтіп жатыр. Екі күнге шақталған жарысқа барлығы 8 команда қатысуда. Олар шағын-футбол, үстел теннисі және шахмат сияқты спорт түрлері бойынша бақ сынайды. «Севказэнерго» АҚ бас директоры Анатолий Казановскийдің айтуынша, мұндай ауқымды іс-шараны қабылдау – үлкен жауапкершілік. Сондықтан да ұйымдастыру жұмыстарына ерекше дайындықпен келген.

СНХР: АНАТОЛИЙ КАЗАНОВСКИЙ, «СЕВКАЗЭНЕРГО» АҚ БАС ДИРЕКТОРЫ

Алғашқылардың бірі болып ойын алаңына шыққан «Трест Средазэнергомонтаж» командасы қарсыластарын 3:0 есебімен жеңді. Команда мүшесі Евгений Алексеевастың айтуынша, ойын соңғы минуттарға дейін тартысты өтті.

СНХР: ЕВГЕНИЙ АЛЕКСЕЕВАС, ҚАТЫСУШЫ

СНХР: ӘЛІШЕР АБАЙДУЛЛИН, «ҚАТЫСУШЫ

«EurasianTech» компаниясының атынан үстел теннисі бойынша жарысқа қатысып жатқан Айнар Чаймарданова бұл спартакиадаға тыңғылықты дайындықпен келгенін, арнайы жаттықтырушымен жаттыққанын айтады.

СНХР: АЙНАР ЧАЙМАРДАНОВА, ҚАТЫСУШЫ

Айта кетейік, өткен жылғы спартакиаданың жалпы есебі бойынша үздік нәтиже көрсетіп, үш спорт түрінен басым түскен «СЕВКАЗЭНЕРГО» АҚ командасы ауыспалы кубоктың иегері атанған болатын.