Солтүстік Қазақстан облысында көші-қон полициясы 27 адамды құжаттандырды, олар осы уақытқа дейін жеке куәліксіз өмір сүріп келген. Облыстық полиция департаментінің баспасөз қызметі әзірлеген бейнематериалға назар аударайық.
Тәжірибе көрсетіп отырғандай, Солтүстік Қазақстан облысының кейбір тұрғындары жеке куәлікті тек қандай да бір қызмет алу қажеттілігі туындағанда ғана алуға тырысады. «Заң мен Тәртіп» тұжырымдамасын жүзеге асыру аясында көші-қон қызметкерлері мұндай азаматтарды анықтауға, олардың азаматтығын белгілеуге және құжаттандыруға бағытталған.
СНХР: ЕРМЕК НҮСІРБАЕВ — СҚО ПОЛИЦИЯ ДЕПАРТАМЕНТІ КӨШІ-ҚОН ҚЫЗМЕТІ БАСҚАРМАСЫНЫҢ БАСТЫҒЫ
Әрбір дерек бойынша мұқият тексеру жүргізіледі. Көші-қон полицейлері адамның өмірбаянын, қолда бар құжаттарын зерттеп, куәгерлерден жауап алады. Қажет болған жағдайда басқа мемлекеттерге де сұрау жолданады. Мысалы, мұндай шаралар 46 жастағы азаматқа қатысты қабылданды. Ол бала кезінде ата-анасымен бірге Одесса қаласынан Петропавлға көшіп келген.
СНХР: АЛЕКСАНДР ЛАВРЕНТЬЕВ – ПЕТРОПАВЛ ТҰРҒЫНЫ
Мұнда әртүрлі мектептерде оқыған, кейін әртүрлі жұмыс атқарған, алайда ешқашан құжат алмаған. Оның жеке басы мен шетелдік азаматтығының жоқтығы расталған соң, полиция қызметкерлері тиісті құжаттарды жинады. Қазіргі таңда әлеуметтік бейімделу орталығында тұрып жатқан азамат өмірінде алғаш рет жеке куәлік алды.