Мамыр айында ауа райы қандай болмақ

Қазгидромет республикалық мемлекеттік кәсіпорнының облыстық филиалы мамыр айына арналған ауа райы болжамын жариялады. Синоптиктердің мәліметінше, көктемнің соңғы айында орташа айлық температурасы +14 +15 градус болады деп күтіледі.

Бірінші онкүндіктің екінші жартысында ауа температурасы күндіз 23-28 градусты көрсетсе, түнде 10-15 градус жылы болады. Онкүндіктің соңында ауа температурасы күндіз 15-20, түнде 5-10 градусқа дейін төмендейді. Екінші онкүндіктің бірінші жартысында ауа температурасы 23-28 градусқа жоғарылып, күн ыстық болады. Жауын-шашынның айлық мөлшері норма шамасында болады деп болжанады. Жиі жел соғады.

СНХ: ГҮЛЗАТ ҒАЗИЗОВА, «ҚАЗГИДРОМЕТ» РМК СҚО ФИЛИАЛЫНЫҢ БӨЛІМ БАСШЫСЫ