Петропавлдағы «Мәңгілік алау» мемориалды кешенінде жөндеу жұмыстарына байланысты газбен қамту уақытша тоқтатылады. Бұл туралы қала әкімдігі әлеуметтік желідегі парақшасында хабарлады.
Хабарламада айтылғандай, қаңтардың 12-і мен 16-ы аралығында бұл нысанда бірқатар жұмыстар жүргізу жоспарланған. "Горгаз сервис" ЖШС-нің өкілдері осы кезеңде ақау шыққан газбен қамту құрал-жабдықтарын жөндеу және ауыстыру жүргізілетінін айтады. Техникалық жұмыстарға байланысты "Мәңгілік алау"-ға газ беру уақытша тоқтатылды. Жұмыстарды қысқа мерзімде аяқтау жоспарланған.