Өңірдегі бұғы, бұлан, қабан және басқа да жабайы жануарлар қысқы азықтандыруды қажет етеді. Облыстық табиғи ресурстар және табиғат пайдалануды реттеу басқармасы жануарларға арналған қорек алдын ала дайындалғанын хабарлайды. Осы мақсатта басқарма қызметкерлері биотехникалық іс-шараларды жүргізіп жатыр. Осы қысқа "Ақжан" және "Ақсуат" жергілікті маңызы бар аңшылық алқаптары мен мемлекеттік табиғи қорықтардың резервтік қорының аумағында орман шаруашылықтары жабайы жануарларға түрлі жем-шөпті дайындады.