Солтүстік Қазақстан облысы полиция департаментінде отызға жуық тергеуші, олардың ата-аналары мен тергеу қызметінің ардагерлері марапатталды.
Полиция тергеушілері – құрамына жедел уәкілдер мен криминалистер кіретін тергеу-жедел топтардың жетекшілері. Олар тәулік бойы кезекшілік атқарып, қылмыстық істерді тергейді. Полиция департаментінің бастығы Абай Жүсіпов қызметкерлерге кәсібилігі үшін алғыс айтып, өз тәжірибесімен жас әріптестерімен бөлісіп жүрген ардагерлердің үлесін атап өтті.
Салтанатты жиында бірқатар қызметкерлер марапатталды. Тергеушілердің ата-аналары да назардан тыс қалмады. Олардың қатарында 2006 жылы қызметтік іссапардан қайтып келе жатып қаза тапқан полиция майоры Ерік Оспановтың жұбайы Аягөз Оспанова бар. Оның ұлы Уәлихан Оспанов — ҚР ІІМ Қарағанды академиясының түлегі, бүгінде қалалық полиция басқармасында тергеуші болып қызмет атқарады және адал қызметі үшін марапатталды. Тергеу қызметінің ардагерлеріне алғыс хаттармен және сыйлықтар табысталды. Ішкі Істер Органдарының құрметті ардагері Хайдар Қашенов жауап сөзінде тергеу бөлімшелерінің рөлін атап өтті.
Салтанатты іс-шараға қарамастан, тергеу жұмысы тәулік бойы, демалыссыз және мереке күндері де жалғасуда. Адам тағдыры мен әділдіктің қалпына келуіне ықпал ететін шешімдер қабылдайтын тергеушілер ішкі істер органдары жүйесінің кәсіби өзегі әрі негізгі тіректерінің бірі болып саналады.