5 қараша кешкісін Жамбыл ауданының Сенжарка ауылы маңындағы «Мамлютка – Қостанай» автожолында сағат 17:00 шамасында Мамлют ауданының Дубровное ауылына арпа тасымалдап бара жатқан «КамАЗ» жүк көлігінің тіркемесі сынып, жол үстіне аударылып қалған. Оқиға орнына «Аби жер» ЖШС-нің арнайы техникасы тартылып, төгілген дән жиналып, тіркеме орнына қойылып, жөндеу жұмыстары жүргізілді. Жұмыстар сағат 21:00-ге дейін жалғасты. Осы уақытта полицейлер жолдағы қауіпсіздікті қамтамасыз етті. Бұл әсіресе қараңғы уақытта, жүргізушілердің көбі жұмыстан қайтып келе жатқан мезгілде болды. Құқық қорғау органдары жүргізушілерге көліктің техникалық жағдайын үнемі тексеріп отыруды, ауа райының қолайсыздығына байланысты жолда аса мұқият болуды ескертеді.