Солтүстік Қазақстан облысы әкімінің жаңа орынбасары тағайындалды. ҚР Президенті Әкімшілігінің келісімімен және облыс әкімінің өкіміне сәйкес, Нұрлан Кеңесов СҚО әкімінің орынбасары қызметіне кірісті.
На фото ЗКТ: Ол - «Болашақ» бағдарламасының түлегі. Еңбек жолында түрлі мемлекеттік органдар мен министрліктерде жауапты қызметтер атқарған. Оның ішінде Тимирязев ауданының әкімі, бірқатар министрліктерде департамент директоры, кеңесші, сондай-ақ «Нұр Отан» партиясы төрағасының орынбасары болған. Жаңа қызметінде Нұрлан Маратұлы құрылыс, энергетика, тұрғын үй-коммуналдық шаруашылығы, жолаушылар көлігі мен автожолдар және сәулет салаларына жетекшілік етеді. Бұған дейін ол ҚР Президенті Әкімшілігінде инспектор қызметін атқарған.