Облыстық «Атамекен» кәсіпкерлер палатасы жанындағы Әйелдер кәсіпкерлігін дамыту жөніндегі салалық кеңестің ұйымдастыруымен өткен “Табыс qyz” жобасына қатысушыларға сертификаттар табыстау рәсімі өтті. Жобаға қатысуға арнайы іріктеумен 10 кәсіпкер таңдалған.
Бір ай көлемінде өткен жоба түрлі тақырыпты қамтыған. Оның ішінде әр саланың жетекші кәсіпкерлері салықтық және бухгалтерлік есеп, маркетингтік стратегия, басшылықты нөлден бастау, тіпті нутрициология негіздері және басқа да көптеген тренингтер өткізген.
СНХ:ӘСЕЛ САМАРАТОВА СҚО КӘСІПКЕРЛЕР ПАЛАТАСЫНЫҢ БӨЛІМ БАСШЫСЫ
Курс қатысушылары кәсіби білімдерін арттырып, өз ісін дамытуға мүмкіндік алды. Бизнесті сәтті жүргізуге қажетті құзыреттерді толық игерген қатысушылардың бірі Сабохат Абдугаппарқызы. Ол тігін кәсібімен айналысады.
СНХ:САБОХАТ АБДУГАППАРҚЫЗЫ ЖОБАҒА ҚАТЫСУШЫ
Арнайы ұйымдастырылған тренингтер кәсіби білім берумен қатар, қатысушылардың кәсіпкерлікке деген сенімін арттырды. Әрқайсысы өз ісін жүйелі дамытуға қажетті нақты құралдар алды.
СНХ:ЗАРИНА МАВЛЯНИ «АТАМЕКЕН» КӘСІПКЕРЛЕР ПАЛАТАСЫ ЖАНЫНДАҒЫ САЛАЛЫҚ КЕҢЕСТІҢ ТӨРАЙЫМЫ
Алғашқы легін сәтті тәмамдаған тегін жоба алдағы уақытта да жалғасын табады. Келесі оқыту курсы қыркүйек айына жоспарланған.