Алматыда Біріккен ұлттар ұйымының Орталық Азия мен Ауғанстанға арналған өңірлік орталығы ресми түрде жұмысын бастады. Қасым-Жомарт Тоқаев пен ұйымның бас хатшысы Антониу Гутерриш қол қою рәсіміне қатысты. Нысан аймақтың стратегиялық маңызы артып келе жатқанын көрсетеді. Сондай-ақ, аймақтағы елдер экономикасының орнықтылығы мен қарқынын күшейтуге, өңірлік инновацияны дамытуға және ынтымақтастықты тереңдетуге бағытталған іс-қимылдардың қозғаушысы болады. Ал, Ауғанстанның бейбіт өмірі мен орнықты дамуы аймақтағы қауіпсіздікті қамтамасыз ету тұрғысынан айрықша маңызға ие, - деді мемлеет басшысы.
СНХ: ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ
Антониу Гутерриш бұл Орталықты ашу арқылы орнықты даму мақсаттарына қол жеткізу жолында өңір үшін жаңа кезеңнің басталғанын айтты. Бұл ортақ басымдықтар мен бірлескен шешімдерге негізделген ынтымақтастықтың жаңа дәуірін білдіреді. Ал нысанның саяси ұстанымы берік, әлемдік аренада бейбітшіліктің символына айналған Қазақстанда орналасуы орталықтың беделін одан әрі арттырады, - деді Антониу Гутерриш.
СНХ: АНТОНИУ ГУТЕРРИШ БҰҰ БАС ХАТШЫСЫ