Петропавл қаласының кіреберісінде жаңа монументалды өнер туындысының салтанатты ашылу рәсімі өтті. Бұл ескерткіш Қазақстанға ғана емес, бүкіл адамзат тарихында маңызы зор «Ботай» археологиялық мәдениетіне арналған. Іс-шараны СҚО әкімдігі мәдениет, тілдерді дамыту және архив ісі басқармасы ұйымдастырды. Оған ғалымдар, ғылыми қызметкерлер және зиялы қауым өкілдері қатысты.
«Ботай» ескерткіші – ежелгі өркениеттің символы. Ол адамзат тарихындағы алғаш жылқыны қолға үйреткен мәдениеттің бірі ретінде ғылымда ерекше орын алады. Бұл ескерткіш – тек тарихи құрметтің белгісі ғана емес, сонымен қатар ұлттық тарихи-мәдени мұраны сақтау мен насихаттауға бағытталған маңызды қадам. СҚО әкімінің орынбасары Жүсіп Жұмағұловта іс-шараға қатысып, сөз сөйледі.
СНХ: ЖҮСІП ЖҰМАҒҰЛОВ, СҚО ӘКІМІНІҢ ОРЫНБАСАРЫ
Монументалды өнер туындысын Солтүстік Қазақстан облысының құрметті азаматы, еңбек ардагері Құдайберген Қалиев пен белгілі тарихшы, археолог-ғалым Анатолий Плешаков ашты. Іс-шараға тарих ғылымдарының докторы, профессор, Әл-Фараби атындағы қазақ ұлттық университеті тарих факультетінің деканы Досбол Байқонақовта қатысты.
СНХ: ДОСБОЛ БАЙҚОНАҚОВ, ТАРИХ ҒЫЛЫМДАРЫНЫҢ ДОКТОРЫ, ПРОФЕССОР
Мүсінді жасауға мүсіншілер 4 ай уақытын арнаған. Ал Петропавл қаласының кіреберісіне орнату жұмыстары 10-күнді алған. Ескерткіштің биіктігі 14 метр. Өте күрделі компазициялық жоба гранит пен мыстан жасалған. Туындыны Жалын Бауырхан, Асқар Нарытов, Мұрат Сыдықов есімді мүсіншілер жасаған.
СНХ: ЖАЛЫН БАУЫРХАН. ҚАЗАҚСТАН СУРЕТШІЛЕР ОДАҒЫНЫҢ МҮШЕСІ
Іс-шараның негізгі мақсаты – Қазақстан жеріндегі көне өркениеттің дамуына үлес қосқан «Ботай» мәдениетінің тарихи мәнін мәңгі жадымызда сақтау және оны кеңінен насихаттау.