Өңірде суға шомылу маусымы жалғасып жатыр. Осыған орай, қауіпсіздіктің алдын алу мақсатында Төтенше жағдайлар Департаментінің қызметкерлері 2 мыңнан астам үгіт-насихат жұмыстарын жүргізген.

Облыс аумағында барлығы 60 өзен, 2 мыңнан астам көл және 100-ден астам жасанды су айдыны бар. Оның ішінде 13 су айдынында адамдар демалатын 60 ресми демалыс орны белгіленген. Құтқарушылардың айтуынша, шомылу кезінде орын алатын қайғылы оқиғалардың көпшілігі қарапайым сақтық шараларына салғырттық танытқаннан болады. Мәселелен, оған арнайы жабдықталмаған, тыйым салынған жерлерде суға түсу, алкогольді ішімдіктер ішу, сондай-ақ балаларды қараусыз қалдыру секілді әрекеттер жатады. Айта кетейік, суға түсу маусымы басталғаннан бері өңірде қайғылы оқиғалар тіркелмеген.

СНХ: РИЗАБЕК ТЕМІРБЕКОВ, СҚО ТЖД АЗАМАТТЫҚ ҚОРҒАНЫС БАСҚАРМАСЫНЫҢ АҒА ОФИЦЕРІ