Петропавл қаласындағы №17 Ұлттық жаңғыру мектеп-кешенінде құқық қорғау бағытындағы «Жас сақшы» сыныбы өз жұмысын бастады. Бұл жоба ҚР Ішкі істер министрлігінің бастамасымен жүзеге асырылуда. Сыныпқа 6 және 7-сыныптардан 30 оқушы қабылданды.
Салтанатты іс-шараны Солтүстік Қазақстан облысы полиция департаментінің бастығы, полиция генерал-майоры Айдын Қабдұлдинов ашты. Ол мектеп әкімшілігіне, ұстаздарға және ата-аналарға ІІМ жобасына белсенді қолдау көрсеткендері үшін алғыс білдірді.
СНХР: Айдын Қабдұлдинов — СҚО полиция департаментінің бастығы
Мектеп директоры Ләззат Жалмұқанова бұл жобаның білім беру мекемесі үшін үлкен мәртебе екенін атап өтті.
СНХР: Ләззат Жалмұқанова — №17 Ұлттық жаңғыру мектеп-кешенінің директоры
Болашақ Отан қорғаушыларға ІІМ ардагері, Ауған соғысына қатысқан интернационалист жауынгер, «Қызыл жұлдыз» орденінің иегері Давыд Шнайдер де сәттілік тіледі. СҚО ПД мәдениет орталығының вокалдық тобы орындаған патриоттық әндер іс-шара көркін аша түсті. Жаңа сыныптың барлық оқушыларына полицейлер естелік сыйлықтар табыс етті. «Жас сақшы» сыныптарының мақсаты – балаларды болашақта құқық қорғау органдарында қызмет етуге дайындау. Оқушыларға арнайы оқу бағдарламасы ұсынылады, оның аясында олар бойларында көшбасшылық қасиеттер, физикалық төзімділік және патриотизмді дамытады. Алынған білімдер түлектерге болашақ мамандық таңдауда пайдалы болады. Осылайша, полицейлерден үйренген дағдылар тек болашақ құқық қорғаушыларды ғана емес, сонымен қатар жауапты, патриот азаматтарды қалыптастырады. Айта кетейік, желтоқсан айында IT-лицейі М. Жұмабаев атындағы мектепте осындай сынып ашылған болатын.