Петропавлдағы Назарбаев Зияткерлік мектебінде химия, биология, география пәндерінен алғашқы қалалық олимпиада өтті. Сайысқа 10 - нан астам білім мекемесінен 34 оқушы қатысты. Балалар сайыста жоғары білім деңгейін көрсете білді.
Ержан Ағбай - Әл – Фараби мектеп-лицейінде 6-сыныпта оқиды. Жаратылыстану бағытна қызығушылығы жоғары, химия-биология - сүйікті пәндерінің бірі. Сондықтан, олимпиада сұрақтары жасөспірімге қиындық тудырмаған.
ЕРЖАН АҒБАЙ- “ӘЛ-ФАРАБИ” МЕКТЕП-ЛИЦЕЙІНІҢ ОҚУШЫСЫ:
- Маған химиялық және биологиялық тапсырмалар қиын болмады.Мысалы, химиялық есептерді мен пайыз арқылы шештім. Балалар, келесі жылы осындай олимпиада болған кезде міндетті түрде қатысыңдар.
Олимпиада химия, биология және география пәндері бойынша өтті. Оқушылар білімдерін жоғары деңгейде көрсете алды. Сайыс қорытындысы бойынша жеңімпаздар дипломдармен және тәтті сыйлықтармен марапатталды.
САЯЖАН ГАБДУЛЛИНА - НАЗАРБАЕВ ЗИЯТКЕРЛІК МЕКТЕБІНІҢ ГЕОГРАФИЯ ПӘНІ МҰҒАЛІМІ:
- Олимпиада сәтті өтті. Жалпы қала мектептерінен және Бескөл ауылының мектебінен 34 оқушы қатысты. Өз білімдерін жақсы көрсетті. Барлық жетекшілерге біздің ұсынысты қабылдағаны үшін алғысымды білдіреміз. Биыл алғаш рет өткізіп жатырмыз. Ендігі жылы бұдан да көп қатысады деген ойдамыз.
Олимпиада соңында қатысушылар үшін Назарбаев зияткерлік мектебіне экскурсия ұйымдастырылды. Сондай-ақ, оқушылар білім ордасының спортзалында ойындар ойнап, уақыттарын көңілді өткізді.