Облыс орталығында Киров атындағы зауыттың қабырғасына Мидхат Сутюшевке арналған мемориалдық тақта ілінді. Ол -26 жыл кәсіпорында директор болып жұмыс істеген ҚР Мемлекеттік қоғам қайраткері, Петропавл қаласының Құрметті азаматы. Іс-шараға облыстың ардагерлері мен қоған қайраткерлері қатысты.
Мидхат Сутюшев Киров атындағы зауытта 1942-1989 жылдар аралығында жұмыс істеген. Жұмысшылар отбасында дүниеге келген. Қызмет еткен жылдары ол үлкен беделге ие болып, саланың дамуына үлес қосты. Мидхат Усманұлы Ленин, Еңбек Қызыл Ту, Қазан төңкерісі ордендерімен және де көптеген медальдармен марапатталған. Зейнет демалысына шыққаннан кейін ол қалалық ардагерлер кеңесінің бірінші төрағасы болды. Салтанатты іс-шараға жиналған қауым оның өмірі мен ерен еңбегі көпке үлгі екенін атап өтті.
ЛЮДМИЛА ВОРОПАЕВА, «С.М.КИРОВ АТЫНДАҒЫ ЗАУЫТ» АҚ АРДАГЕРЛЕР КЕҢЕСІНІҢ ТӨРАҒАСЫ:
- Мидхат Усманович өте керемет адам болған. Ол зауытқа 16 жасында келді. Артына жақсы із қалдырды. Зауыттың дамуына зор үлес қосты. Ал бүгін міне осы еңбегі бағаланып оның құрметіне мемориалдық тақта ашылып жатыр.