М. Қозыбаев атындағы СҚ университетінде грек-рим күресінен әлем чемпионы Ислам Евлоевпен кездесу өтті. Ол дене және әскери тәрбие теориясы мен әдістемесі кафедрасының 3 курс студенті. Балуан қатарластарымен кездесуде өзі жайында және Испаниядағы жеңісі туралы айтып берді.
Ислам Евлоев 6 жасынан бастап спортпен айналысып келеді. Тыңғылықты дайындықтың арқасында бүгінде ол әлем чемпионы атанды. Ол осы жетістігімен тоқтап қалмай, әлі де жеңісті күндерден үмітті.
ИСЛАМ ЕВЛОЕВ, ГРЕК-РИМ КҮРЕСІНЕН ӘЛЕМ ЧЕМПИОНЫ:
- Менің ең бірініші Чемпионатым 2021 жылы Венгрияда өтті. Ал екіншісі 2023 жылы Иордания да болды. Бұл екі чемпионат мен үшін сәтсіз аяқталды. Жарақатым болғаннан кейін мен дұрыс дайындала алмадым. Ал биыл әлем чемпионы атандым.Алдағы жоспарларым Олимпиада ойындарына қатысып жеңу. Енді оған дейін әлі 4 жыл уақыт бар. Дайындаламын, басқа жарыстарға шығамын.
Ислам Евлоев университеттің мақтан тұтар студенттерінің бірі. Дене және әскери тәрбие теориясы мен әдістемесі» кафедрасының меңгерушісі Айса Танақұловтың сөзінше Ислам оқу үлгерімімен де көпке үлгі.
АЙСА ТАНАҚҰЛОВ, «ДЕНЕ ЖӘНЕ ӘСКЕРИ ТӘРБИЕ ТЕОРИЯСЫ МЕН ӘДІСТЕМЕСІ» КАФЕДРАСЫНЫҢ МЕҢГЕРУШІСІ:
- Ислам жайлы айтатын болсам ол өте еңбоққор және тәртіпті студенттердің бірі. Байрақты бәсекелерге дайындалып жүрседе оқу үлгерімі өте жақсы. Өзімен бірге оқитын достарына да әрдайым көмектесіп жүреді. Кафедраның атынан Исламды жеңісімен құттықтаймын. Алда әлі талай жарыстардың жеңімпазы болатынына сенімдіміз.
Айта кетейік Ислам Евлоев Испанияда өткен әлем чемпионатында грек-рим күресінен 82 келіге дейінгі салмақта сынға түскен болатын.
Дариға Қуаныш