Түнгі уақытта қала көшелерінде жүрген алты жасөспірім анықталды

Петропавлда кәмелетке толмағандар ісі жөніндегі инспекторлар өткен демалыс күндері күшейтілген режимде қызмет атқарды. Олар кәмелетке толмағандардың түнгі уақытта заңды өкілдерінсіз ойын-сауық орындарында болуын, қоғамдық орындарда алкогольдік мас күйінде жүруін анықтау мақсатында рейдтік іс-шаралар жүргізді. Облыстық полиция ведомствосы баспасөз қызметінің материалына назар аударайық.

Петропавлда кәмелетке толмағандар ісі жөніндегі инспекторлар өткен демалыс күндері ойын-сауық мекемелері, ойын клубтары, жалдамалы пәтерлер, сондай-ақ Қазақстан Конституциясы көшесі және жастардың басқа да сүйікті демалыс орындарын ерекше бақылауға алды.

ЖАНАТ МҰСТАФИНА, ПЕТРОПАВЛ Қ. ПБ ЮВЕНАЛДЫ ПОЛИЦИЯ БӨЛІМШЕСІНІҢ БАСТЫҒЫ:

- Оқу жылының аяқталуына байланысты Петропавл қ. полиция басқармасының кәмелетке толмағандар ісі жөніндегі инспекторларымен кәмелетке толмағандардың тәуліктің түнгі уақытында заңды өкілдерінің қатысуынсыз, сондай-ақ ойын-сауық орындарында болуын, кәмелетке толмағандардың қоғамдық орындарда алкогольдік мас күйінде болуын анықтау бойынша рейдтік іс-шаралар жүргізуде.

Петропавлдағы дәмханалардың бірінде кәмелет жасына толмаған жасөспірімнің түнгі уақытта жұмыс істегендігі анықталды. Жұмыс беруші жауапкершілікке тартылды. Түнгі уақытта қала көшелерінде жүрген алты жасөспірім анықталды.

-Так, давайте к маме поедем, или маму вызовем сюда. Первый раз?

Кәмелетке толмағандардың ішімдік ішу фактілері тіркелген жоқ. Мектепті аяқтау кештерінен кейін құқық бұзушылықтардың тіркелмеуі - профилактикалық жұмыстың нәтижесі. Полицейлер оқушылармен, олардың ата-аналарымен, педагогтарымен түсініктеме жүргізді. Тәртіп сақшылары ата-аналарға кәмелетке толмаған балаларына заңнама нормаларын үнемі түсіндіріп отыруды және қараусыз қалуға жол бермеуді сұрайды.