Аграрийлер үшін дизель отынының бағасы өспейді

Энергетика министрлігі фермерлер үшін дизель отынының бағасы сол қалпында қалатынын мәлімдеді. Министрліктің хабарлауынша, дизель отыны мұңай өндеу зауытынан 1 тонна үшін 222 мың теңге, 1 литр үшін 184 теңге немесе ауыл шаруашылығы тауарларын өндірушілер операторларының шығыстарын ескере отырып, орта есеппен 1 литр үшін 204 теңгеден сатылады. Көктемгі дала жұмыстарына 413 мың тонна бекітілді. Ол диқандарға басым тәртіппен тиеп-жөнелтіледі. Мәселен, ақпан айында 82,1 мың тоннаның 77,4 тоннасы, наурызда 102,2 мың тоннаның 78,4 тоннасы жеткізілді. Басты ескерер жайт өтінімдер, төлем және вагон-цистерналар уақтылы беріліп отыруы тиіс.