Жамбыл ауданында құқықбұзушылықтардың алдын алу мәселелері қаралған ведомстволық жиналыс өтті. Жиында аудан тұрғындарының қауіпсіздігін қамтамасыз ету бағытында жергілікті атқарушы және құқық қорғау органдары жүзеге асырып жатқан іс-шаралар талқыланды.
Жиынның негізгі мақсаты аудандағы қылмыстық жағдайды талдау. Ауданға арнайы жұмыс сапарымен келген Солтүстік Қазақстан облысының прокуроры шешуді қажет ететін бірқатар мәселелерді көтерді. Соның бірі – аса ауыр қылмыстардың көбеюі. Айта кетейік, жыл басынан бері ауданда екі адам өлтіру дерегі тіркелген.
СНХ:ҚАЙРАТ ӘБДІХАНОВ, СҚО ПРОКУРОРЫ
ЗҚылмыс деңгейін төмендету үшін облыс прокуроры бейнебақылау камераларына тұрақты түрде мониторинг жүргізу қажеттігін атап өтті. Жиын барысында аудан әкімі, аудан прокуроры және аудандық полиция бөлімінің басшысы есеп берді. Олар бірге құқықбұзушылықтардың алдын алу және жолын кесу бағытындағы шараларды талқылады. Алғаш болып Жамбыл ауданының прокуроры баяндама жасады.
СНХ:РУСЛАН МҰРЗАСОВ, ЖАМБЫЛ АУДАНЫНЫҢ ПРОКУРОРЫ
Жергілікті атқарушы органдар халық арасында профилактикалық іс-шараларды жалғастырып келеді. Аудан әкімінің айтуынша, биылдың өзінде әлеуметтік желілерде 176 түсіндіру материалдары жарияланған. Облыс прокуратурасының өкілдері Қазақстан Республикасы заңнамасын қатаң сақтаудың маңыздылығын тағы бір еске салды.
СНХ:ӘБУ-ӘЛИ САТТАР, СҚО ПРОКУРОРЫНЫҢ БІРІНШІ ОРЫНБАСАРЫ
Жиыннан кейін облыстық прокуратура өкілдері аудан әкімімен бірге «Жас қыран» спорт кешеніне барды. Мұнда алғаш рет дзюдо секциясы ашылды. Іс-шара аясында облыс прокуроры жас спортшыларға кимоно табыстады. Балалар тынымсыз жаттығып, спорттағы жетістіктері арқылы Солтүстік Қазақстан облысының атын шығаруға дайын екендіктерін жеткізді.