Құқық бұзушылық үшін жазалаудан гөрі оның алдын алу – бүгінгі полиция жұмысының басты бағыты. Отбасылық-тұрмыстық зорлық-зомбылықты болдырмау үшін тәртіп сақшылары үкіметтік емес ұйымдармен бірлесіп, мінез-құлықты психокоррекциялау әдістерін қолданып, кең көлемді түсіндіру жұмыстарын жүргізуде.
«Бақытты отбасы – бақытты ел» акциясы аясында полиция қызметкерлері «Әйелдерді қорғау орталығы» ұйымының өкілдері және жергілікті атқарушы органдармен бірге Мамлют аудандық полиция бөлімінде әкімшілік қамауда отырған құқық бұзушылармен профилактикалық кездесу өткізді.
СНХ:ӘСЕМГҮЛ ДӘУЕНОВА – МАМЛЮТ АУДАНЫ ПОЛИЦИЯ БӨЛІМІ ЖЕРГІЛІКТІ ПОЛИЦИЯ ҚЫЗМЕТІ БӨЛІМШЕСІНІҢ БАСТЫҒЫ
Аудандық полиция бөлімінің акт залында тәртіп сақшылары мен мамандар бұзақыларға заңнамаға енгізілген соңғы өзгерістерді түсіндіріп, енді тіпті ұрып-соғу мен жеңіл дене жарақатын келтіру қылмыс ретінде қарастырылатынын еске салды, оның салдары туралы ескертті. Сондай-ақ, олар құқық бұзушыларға дауларды бейбіт жолмен шешу тәсілдерін айтып, болашақта жауапкершілікке тартылмау үшін қайда және қалай көмек ала алатынын түсіндірді.
СНХ:ӘСЕМГҮЛ ДӘУЕНОВА – МАМЛЮТ АУДАНЫ ПОЛИЦИЯ БӨЛІМІ ЖЕРГІЛІКТІ ПОЛИЦИЯ ҚЫЗМЕТІ БӨЛІМШЕСІНІҢ БАСТЫҒЫ
Кездесу соңында полицейлер Мамлют аудан орталығында есепте тұрған отбасыларға рейд жүргізді. «Бақытты отбасы – бақытты ел» акциясының мақсаты – қоғамдағы отбасының рөлін нығайту және тұрмыстық зорлық-зомбылықтың алдын алу бойынша қабылданып жатқан шаралар туралы тұрғындарды кеңінен хабардар ету.