Солтүстік Қазақстан облысында білім беру инфрақұрылымын жаңғырту бойынша кешенді шаралар жалғасуда. Биыл 4,5 млрд теңгеге 40 білім беру нысанында күрделі жөндеу жүргізу жоспарланған. Олардың қатарында 30 мектеп, 2 балабақша және 4 колледж бар.
Қосымша, 1,9 млрд теңгеге 41 білім беру нысанында ағымдағы жөндеу жүргізіледі. Бұл тізімге 3 балабақша, 19 мектеп, 3 жазғы лагерь, 13 колледж және жетім балаларға арналған 3 мекеме кіреді. Білім беру ұйымдарының материалдық-техникалық базасын нығайтуға 5,3 млрд теңге қарастырылған. Бұл қаражатқа интерактивті панельдер, компьютерлер, оқулықтар, жылыту қазандықтары, мектептерге, балабақшаларға, кітапханалар мен колледждерге арналған жиһаздар, спорттық жабдықтар, пәндік кабинеттер, сондай-ақ мектеп асханалары мен колледждерге арналған құрал-жабдықтар сатып алынады.