7-14 ақпан аралығында Қытайдың Харбин қаласында IX Қысқы Азия ойындары өтеді. Байрақты бәсекеде Солтүстік Қазақстан облысынан ұлттық құрамаға сапында алты спортшы өнер көрсетеді. Олар: Виталий Щеголев, Надежда Морозова, Инесса Шумекова, Алина Шумекова, Кристина Шумекова және Әсем Назырова. Бұл спортшылар ел намысын конькимен жүгіру спортында және ski-альпинизмде қорғайтын болады.Жерлестеріміз өңіріміздің ғана емес, халықаралық аренадағы Қазақстан құрамасының ортақ қоржынына сүбелі үлесін қосады. Бұл спортшыларымыздың спорттық мансабындағы кезекті дүбірлі дода. Солтүстікқазақстандықтар Харбинде лайықты нәтиже көрсетеді деген сенімдеміз.