2023-2029 жылдарға арналған тұрғын үй-коммуналдық шаруашылығын дамыту аясында Солтүстік Қазақстан облысында биыл 330 мың шаршы метр тұрғын үй пайдалануға берілді. Оның ішіндегі он жетісі көпқабатты тұрғын үйлер.
Петропавл қаласында 14 көпқабатты үй бар: оның 9-ы 501 пәтерлі коммерциялық, 5-еуі 360 пәтерлі несиелік үйлер. Оған қоса аудандарда 3 ғимарат бар: Тайынша ауданында 50 пәтерлік үй және Булаево ауданында 45 пәтерлі үй болса, Сергеевка ауданыда 27 пәтерлі үй бар. Жалпы 2024 жылы Солтүстік Қазақстан облысында 38 медициналық нысанның құрылысы аяқталды, оның ішінде: 16-сы фельдшерлік-акушерлік пункт болса, 22-сі медициналық мекеме. Олардың барлығы Солтүстік Қазақстан облысының 12 ауданында орналасқан.
СЕРІКЖАН ШЫТҚАНОВ СҚО ҚҰРЫЛЫС, СӘУЛЕТ ЖӘНЕ ҚАЛА ҚҰРЫЛЫСЫ БАСҚАРМАСЫ БАСШЫСЫНЫҢ ОРЫНБАСАРЫ:
- Былтыр 1200 орындық жатақхана және жалпы ауданы 145 мың шаршы метр жеке тұрғын үйлер пайдалануға берілді. Сондай-ақ, халықтың әлеуметтік осал топтарын жалға берілетін тұрғын үймен қамтамасыз ету аясында облыс бойынша кешенді жұмыстар жүргізіліп, 387 пәтер сатып алынды. 2024 жылы жалдамалы тұрғын үй сатып алуға 5,8 миллиард теңге қаражат бөлінді. Биыл да бұл бағыттағы жұмыстар жалғасады. Жыл басында халықтың әлеуметтік осал топтары үшін 2 млрд теңге бөлініп, 145 пәтер сатып алу жоспарлануда.