Облыстық полиция департаментінде Тәлімгерлер кеңесінің жаңа жылдық отырысы өтті. Бұл орган кадр қызметінің офицерлері мен полиция ардагерлерінің жас қызметкерлерді кәсіби дамыту және патриоттық тәрбиелеу жөніндегі бірлескен жұмысын үйлестіру үшін құрылды.
Қапез Дәулетбаев, СҚО ПД Тәлімгерлер кеңесі төрағасының орынбасары:
- Ішкі істер органдарының ардагерлер ұйымдары жеке құрамды отаншылдыққа, қызметке адалдыққа, мемлекет пен қоғамға деген құрметке тәрибелеуге елеулі үлес қосып келеді.
СҚО полиция департаментінің ардагерлер активі өткізілетін іс-шараларға ұдайы қатысып, өз тәжірибелерімен үнемі жас буынмен бөліседі. Олар учаскелік полиция пункттеріне бекітіліп, әдістемелік және практикалық көмек те көрсетеді.