Петропавлда университет ректоры болған, атақты ғалым Қанаш Шакеновты еске алуға арналған волейболдан турнир басталды. Қозыбаев университетінің оқытушылары мен қызметкерлері арасында өтетін жарыс үш күнге шақталған.
Бұл турнир университетТІҢ дәстүрлі іс-шараларының бірі. Бұл жолы жарысқа факультеттер, әскери кафедра мен әкімшілік-ұйымдастырушылық қызметкерлерден құралған 8 команда қатысып жатыр. Қанаш Шакенов университеттің дамып, қалыптасуына өлшеусіз үлес қосты. Білікті басшының кезінде инфрақұрылым жаңартылып, оқу ғимараттары, үш жатақхана, қызметкерлерге арналған тұрғын үйлер салынды, профессорлық-оқытушылық құрамның біліктілік деңгейі артты. Қанаш Шакенов өз жұмысын, адамдарды, студенттерді, оқытушыларды шексіз сүйіп құрметтеген тұлға болды, — дейді университеттің ардагерлер кеңесінің төрағасы Мүкарам Тайжанова.
СНХР: МҮКАРАМ ТАЙЖАНОВА, М.ҚОЗЫБАЕВ АТЫНДАҒЫ СҚУ АРДАГЕРЛЕР КЕҢЕСІНІҢ ТӨРАҒАСЫ:
- Ғылыми кадрлардың сапасын көтеру үшін ол кісі Мәскеу университетімен келісімге отырып, біздің жақсы оқыған түлектерімізді аспирантураға жіберіп, Мәскеуге, Алматыға оқуға жолдады. Соның ішінде мен де Алматыға оқуға бардым. Сол кісінің жолдауымен және батасын алып шықтым. Талай-талай өзіміздің осы түлектеріміз ғылыми кандидаттық дәрежеге жетті, кейін докторлық дәрежеге де қол жеткізді. Оның үлесі өте үлкен.